O próximo 17 de Maio é o Día das Letras Galegas, que este ano homenaxea ó poeta
Xosé María Díaz Castro.
Como
xa é habitual na Escola dedicaremos toda a semana a facer actividades
relacionadas un pouquiño con este día: algunhas das actividades que se levarán
a cabo son as seguintes:
Contacontos de contos
populares en galego ou de poesías.
Observación,
experimentación e manipulación de instrumentos típicos galegos:
pandeiretas, bombo, pandeiro, gaita, cunchas…
Pintaremos un mural dedicado
o poeta Xosé María Díaz Castro que expoñeremos na entrada da escola.
Para o propio día, Gran
Foliada! : visitarannos un grupo de pandereteiras que harmonizarán o
ambiente da escola coas súas cantigas.
Encantaríanos
que poidades participar con nós no desenrolo das actividades, non solo os pais,
senón os avós ou diversos familiares, por exemplo contando un conto, traendo
algún instrumento que toquedes a Escola e ensinándollo os cativos, tocando
algún instrumento no día da Foliada ou simplemente vir vestidos a escola con traxe
rexional para que o vexan os pequenos…podedes colaborar de mil maneiras e facer
que os nenos disfruten das actividades en familia recordando as nosas raíces,
así que, se decidides colaborar falade coa educadora da vosa aula e ela vos
axudará.
Tendo presente as dudas e inquedanzas que recollemos nos
buzóns de aula de cómo levar a cabo o
momento de quitar o cueiro o noso pequeno e vendo que xa vai chegando o
bo tempo e que cada vez os nosos cativos son moito máis autónomos, dende a
Escola creemos correcto facer unha entrada no noso blogue sobre unhas pequenas
pautas que vos poden axudar a levar a cabo de maneira máis fácil e natural o
proceso de Control de Esfínteres nas crianzas.
Aínda que moita xente pense que a idade ideal para
retirar o cueiro os cativos son a partir dous 2 anos a nosa propia experiencia
nos di e afirma que isto non ten porque ser así. Cada neno ten o seu propio
ritmo de aprendizaxe e desenvolvemento e deberemos dar este paso cando vexamos
que o noso pequeno está preparado para elo, e é o suficientemente autónomo e
maduro.
Como podemos saber
se o neno está preparado?
Pois ben e crucial que o neno se poida comunicar
perfectamente con nós, que saiba pedir pis ou caca e que sexa consciente de que
ten ganas de realizalos.
Algunhas ideas que nos indican de que o neno é consciente
de isto e cando comecemos a observar que nos cambios de cueiro o mesmo cueiro
esta case seco isto nos indica que o neno vai madurando progresivamente e que
reten moito máis as súas evacuacións, se vemos que o neno se dirixe a nos e nos
di a típica frase: - Teño caca!, ou se pide que o cambien cando se sinte
mollado ou manchado ou séntese incomodo co cueiro ou quere sacalo.
Isto é positivo
porque xa se está dando conta das evacuacións cousa que nós podemos aproveitar
para comezar a sentalo no baño de vez en cando para ver como reacciona.
Como levar a cabo o proceso?
Isto é un proceso que conleva moita paciencia e do cal
non se obteñen resultados inmediatos, senón que o neno pouco a pouco irá
respondendo o resultado esperado. Primeiro controlará o pis, despois a caca, e
despois poderemos intentar quitar o cueiro nas sestas e de noite.
Para isto é importante que non lle quitemos o cueiro de
golpe, o neno necesita establecer un contacto co baño, ou co peneiro velo como
algo natural e comezar pouco a pouco, primeiro con visitas puntuais de vez, por
exemplo: despois das comidas cando sabemos que vai facer caca, despois da sesta
ou pola maña o levantarnos da cama cando sabemos que vai facer pis, para
animalo e motivalo a facer as súas evacuacións no baño. Mostrarémonos moi ledos e con gran satisfacción cando o
nenos faga pis ou caca no peneiro ou no váter, como se fose unha gran festa
para que el non teña inquedanzas nin medos e se ten un descoido e se fai pis ou
caca antes de tempo debemos de ser consciente de que é totalmente normal, e non
resaltaremos os erros.
Moito ollo:
Tendo en conta estes pequenos consellos, recordarvos que
se queredes comezar con este proceso e crucial que vos poñades en contacto coas
educadoras do voso fillo para comezar a levar a cabo esta nova andadura tanto
na escola coma na casa xa que é un traballo que debe levarse en colaboración (pais
e educadores) elas estarán dispostas a resolvervos calquera duda e tratar o
tema de maneira máis individual con vós.
O curso xa vai acabando e como
é sabido acercase un gran acontecemento que suscita moita ilusión nos cativos e
moitas inquedanzas nas familias, referimos a actividade extraescolar da
excursión de fin de curso.
O Equipo educativo da Escola
Infantil quere poñerse en contacto con vós para convidarvos a unha reunión que
será dirixida pola directora do centro contando con todo persoal educativo que
terá lugar na aula de recursos múltiples da escola as 20:00 horas o próximo
venres e que durará aproximadamente unha hora, onde trataremos aspectos
relacionados coa excursión de fin de curso como os seguintes:
Ideas sobre as visitas
educativas e os diferentes itinerarios así coma as actividades a
desenvolver nese día.
Data e hora de saída e de
recollida.
Aportacións e
colaboración tanto por parte das familias na actividade como por parte da
AMPA.
Rogos e preguntas.
Rogámosvos a vosa asistencia xa que son temas moi
importantes a tratar que garanten o bo funcionamento, trato e servizo deste
centro educativo.
A Escola Infantil Bichiños nace en Rianxo no ano 2007 co
obxectivo do coidado tanto educativo como asistencial dos cativos de entre 0 e
3 anos.
Esta escola ten como principio o desenvolvemento integral
das crianzas tanto a nivel físico, como social, intelectual, afectivo ou moral,
respetando os ritmos de aprendizaxe de cada neno así como as súas
características propias para poder satisfacer de maneira correcta as súas
necesidades.
A escola da cabida a seis unidades de traballo que
dividen da seguinte maneira:
2 unidades de 0-1
2 unidades de 1-2
2 unidades de 2-3.
Para dar resposta a esta demanda educativa o centro
presenta unha amplo equipo educativo que consta de 13 profesionais incorporando
a súas aulas a modalidade de parella educativa, de maneira que en cada aula
haberá dúas persoas que atendan a todas e cada unha das necesidades das crianzas.
En canto as instalacións dicir que cumpre con todos os
requisitos mínimos que así marca a lei destacando entre as súas dependencias:
recepción, despacho de dirección e atención as familias, 6 aulas deseñadas para
as idades oportunas coas súas zonas de hixiene e descanso, áreas de xogos con
diferentes zonas en función de las idades dos pequenos, é dicir espazos
divididos entre 0-1, 1-2 e 2-3., comedor, aula de recursos múltiples, sala de
reunións, aseos para os nenos , adultos e minusválidos , patio exterior e un
área destinada aos pais.
